هل انا عار

السلام عليكم

في البدايه احب اسرد هذي القصه القصيره.
دخلت خلود الصاله وشافت امها حاطه يدها على خدها وكأن هموم الدنيا فوق راسها
خلود : يمه اش فيك والله كأن مصبيه فوق راسك ؟
امها :اصلا انتي اكبر مصبيه بحياتي.
خلود : ليش انا اش سويت ؟
امها :عمرك 27 سنه وماتزوجتي بتعنسين عندي اش يقولون الناس عنا
خلود: تضحك وكاتمه دموعها وانا وش دخلني وش اسوي اذا ماجاني عريس لحد الحين
اموت نفسي مثلا علشان مايقولون بنتك عانس
امها :ياريت تموتي وارتاح من الهم اللي لحق ابوك ولحقني
خلود : وش ذنبي وبعدين الزواج قسمه ونصيب
امها :اه ياريت يجيك عريس والله أخليه يأخذك ببلاش
خلود: صرخت باقوى صوتها انا ماني رخيصه يمه
امها: انتي مانتي رخيصه انتي عار ماراح ارتاح انا وابوك الا لما تتزوجي اوتموتي
خلود:انا ماخلقت نفسي حتى تقولي عار.


وبعدين اكمل لكم الباقي
القصه من نسج مخيلتي
بس هذا واقع نعيشه كل اليوم مع الجيران والاقارب
كل يوم اشوفه في الجرايد والمجلات
كل يوم جارتنا تشتكي من بناتها
متى ازوج بناتي وارتاح
كان نفسي ارميها بالقهوه الحاره على وجهها
ياربي وش ذنبهم اذا هذا مكتوبهم
والطامه الكبرى البنت في بيت اهلها تعتبر نفسها ضيفه ثقيله ليش؟
او الوحده اذا الله رزقها بمولدها بنوته حلوه تتأفف والجيران يقولون لها مسكينه
من خلف البنات شال همهم للمات ليش
مادري اش في الولد من مميزات والبنات من عيوب
الولد اذا غلط عاااااااااااادي والبنت يووووووووووه مصيبه يالله ملصق العيب فيها الى الابد
لحد الموت حتى لو كانت برئيه من الجرم .